Moskvada ortaasiyalı miqrantların çalışdığı kafenin işçiləri və müştəriləri deyirlər ki, polis reydi zamanı miqrantları möhkəm döyüblər. Bu, regionda miqrantlara qarşı artan kampaniyanın tərkib hissəsi sayılır.
Son həftələr hətta miqrant işçilər arasında hansısa sənəd pozuntusu aşkarlanmayanda belə oxşar halların yaşandığı bildirilir.
On illər boyunca Orta Asiyadan işçilər, əsasən, Rusiyaya üz tutublar. Onlar hər il ailələrinə on milyonlarla dollar göndərirlər.
Ukraynada təcavüzkar müharibə, 2024-cü ilin martında "Crocus City Hall" əyləncə kompleksinə terror hücumu miqrant işçilərə qarşı görünməmiş təzyiqlərə yol açıb. Hücumda azı 140 nəfər öldürülüb, 550-dən çox adam yaralanıb. "İslam Dövləti" ekstremist qrupunun məsuliyyət götürdüyü hücuma görə dörd tacik kişi həbs olunub.
Sizin brauzer HTML5-i dəstəkləmir
Migrants Beaten In Moscow Cafe Amid Ongoing Crackdown On Central Asians
Miqrantlar müxtəlif ictimai məkanlarda, nəqliyyat qovşaqlarında, otellərdə, restoranlarda hədəfə alındıqlarını deyirlər. Ötən il qanunvericiliyə dəyişiklik isə polisə məhkəmə qərarı olmadan miqrantları ölkədən çıxarmaq üçün əlavə səlahiyyət verir.
Ötən ay qırğız miqrantlar Moskva polisinin hamam kompleksinə reydi zamanı döyüldüklərini, dizüstü sürünməyə məcbur edildiklərini, aşağılandıqlarını deyiblər.
Yerli mediada gedən xəbərlərə görə, reydlər səbəbindən ortaasiyalılara xidmət göstərən kafe və restoranların dörddə üçü bağlanıb.
Şahidlər əməliyyatlarda zorakılıq, alçaltmalara əl atıldığını, əmlaka ziyan vurulduğunu deyirlər.
Bəzi hallarda isə "Rus icması" millətçi qrupunun üzvləri "vətəndaş patrulu" kimi çıxış etməkdə, polislə birgə reydlərə qatılmaqda, hücumları lentə almaqda suçlanırlar.
Bu ilin ilk 3 ayında Moskvadan 4 min 800 miqrant deportasiya olunub. Bu, ötən ildəkindən 30 faizədək çoxdur. Miqrantlar, əsasən, Özbəkistan, Tacikistan və Qırğızıstandandır.